Best Mileage Bikes in India 2025—Paisa Vasool Bike Chahiye ?
Aaj ke time me jab petrol ₹100+ liter ho gaya hai, to sabse bada sawaal ye hai ki—kaunsi bike sabse zyada mileage deti hai ? Kahi na kahi har bike lene wale ka sabse bada sawal yahi hota hai: “Kitna mileage deti hai bhai?”
2025 me india ke market me kai aise bike models aaye hain jo look bhi stylish hai aur mileage bhi kamaal ka dete hain. Chahe aap student ho ya daily office aane jane wale ho, agar aapko fuel efficient aur kam kharch wali (low maintenance) bike chahiye, to yeh blog aapke liye hi hai.
Chaliye dekhte hain 2025 ki Top Mileage Bikes jo aapki jeb aur petrol pump dono ka dhyan rakhegi.
1. Hero Splendor Plus XTEC – Bharosa bhi, Mileage bhi
Hero Splendor ko to aap jaante hi honge—ek aisi bike jo har gali, har mohalle me milti hai. Ab 2025 me iska XTEC version aa gaya hai jo modern features ke sath aata hai.
- Mileage: 80–83 kmpl (real-world condition)
- Engine: 97.2 cc
- Features: Digital meter, Bluetooth connectivity, call alert
- Price: ₹80,000 approx. (ex-showroom)
Splendor Plus XTEC un logon ke liye best hai jo rozana 30–40 km bike chalate hain aur chahte hain ki maintenance low ho aur mileage high ho.
2. Bajaj Platina 100 – Mileage Ka Baap
Bajaj Platina ka naam sayad hi kisine na suna ho, Bajaj Platina 100 ko kuch log “Mileage King” bhi kahte hain. ye bike behad hi simple look ke sath, halki wajan comfortable ride aur best mileage ke sath aati hai.
- Mileage: 85–90 kmpl
- Engine: 102 cc
- Features: LED DRLs, comfortable suspension
- Price: ₹72,000 approx.
Agar aapko sirf mileage chahiye aur kuch nahi, to ye bike sabse best option hai. Maintenance cost bhi bahut kam hai aur resale value bhi acchi hai.
3. TVS Sport – Style ke sath Mileage
TVS Sport un logon ke liye hai jo chahte hain thoda sporty look bhi ho aur paisa vasool mileage bhi ho. Yeh bike mostly young commuters aur students ke bich kafi popular hai.
- Mileage: 73–76 kmpl
- Engine: 109.7 cc
- Features: Self-start, sporty graphics
- Price: ₹69,000 approx.
Iska maintenance cost bhi kafi low hai, aur TVS ki service network bhi kaafi strong hai.
4. Honda CD 110 Dream Deluxe – Honda ka Vishwas
Honda ne hamesha apni quality aur smooth engine ke liye naam banaya hai. CD 110 Dream Deluxe ek simple commuter bike hai jisme aapko refined engine ke sath badiya mileage bhi milta hai.
- Mileage: 74–76 kmpl
- Engine: 109.51 cc
- Features: Silent start, combi-brake system
- Price: ₹74,000 approx.
Honda ke engine long-lasting hote hain, kahne matalab ki is bike ko aap saalon -saal use kar sakte hain bina kisi dikkat ke, isliye agar aap long term ke liye bike dhoond rahe hain to ye apke liye ek best option ho sakta hai.
5. TVS Radeon – Family Wali Bike
TVS Radeon ek aisi bike hai jise mostly ghar ke log bhi use kar sakte hain—simple, comfortable, aur fuel efficient. Iska seat kaafi bada hai aur suspension soft hai, jo bad roads ke liye perfect hai.
- Mileage: 70–73 kmpl
- Engine: 109.7 cc
- Features: USB charger, stylish tank pads
- Price: ₹78,000 approx.
Yeh un logon ke liye perfect hai jo rozana kaafi jyada bike chalate hain aur chahte hain ki comfortable bhi ho aur mileage bhi dono mile to ye unke liye perfect hai.
6. Bajaj CT 110X – Thoda Rugged, Thoda Reliable
Agar aap rural area ya kharab roads pe bike chalate hain, to Bajaj CT 110X aapke liye best hai kyuki Isme aapko extra tough build quality milti hai jise gaon ke raste bhi hila nahi sakte.
- Mileage: 70–75 kmpl
- Engine: 115cc
- Features: Metal crash guard, wide footrest
- Price: ₹75,000 approx.
CT 110X durability aur fuel efficiency ka perfect combo hai.
7. Hero HF Deluxe – Common Man Ki Bike
Hero HF Deluxe Indian households me bahut popular hai. Iska engine Splendor jaisa hi hai, lekin price thoda kam hai aur mileage bhi barabar ka hai.
- Mileage: 75–80 kmpl
- Engine: 97.2 cc
- Features: IBS braking, electric start
- Price: ₹69,000 approx.
Agar aap budget me best mileage bike chahte hain, to Hero HF Deluxe aapki list me jarur honi chahiye.
Kaunsi Bike Le? 🤔
Aapko kaunsi bike leni chahiye ye aapke daily use, road condition aur budget pe depend karta hai. Neeche short recommendation diya gaya hai:
Aapke Focus ke hisab se Recommended Bike yahan hain 👇
- Sirf Mileage Bajaj Platina 100
- Stylish + Mileage TVS Sport
- Comfort + Family Use TVS Radeon
- Tough Roads Bajaj CT 110X
- Low Budget + Reliable Hero HF Deluxe
2025 Suzuki V-Strom 800DE Launched – Full Specs, Features, Price in India
Kuch Important Mileage Tips (Bike chalane se pehle zaroor padhein)👇
1. Tyre pressure sahi rakhein – low pressure se mileage girta hai.
2. Sudden acceleration na karein—smooth throttle se mileage badhta hai.
3. Time par servicing karayein—dirty air filter se fuel zyada lagta hai.
4. Clutch ka sahi use karein—clutch ko unnecessarily dabayein nahi.
5. Company ki claimed mileage pe andha vishwas na karein—real-world me thoda kam hota hai.
Final Word—Mileage Ke Saath Compromise Nahi!
Honda CD 110 Dream – Mileage King Bike Under ₹90,000 (2025)
2025: Me, petrol ke daam din-ba-din badhte ja rahe hain, isliye high mileage bike lena ek smart decision hai. Upar diye gaye options me se koi bhi bike le lijiye, bas apne use ke hisaab se choose karein. Chahe aap daily 10 km chalayein ya 60 km, agar aapko budget me fuel-saving aur reliable bike chahiye to ye list aapke liye best hai.
Hero Splendor Xtec – Mileage King Ab Smart Bhi Ho Gaya Hai
Aap chaho to comment ya contact section me batayein ki kaunsi bike aap lena chahte hain; mai us bike ke uapr aur bhi detailed blog aur comparison bhi de sakta hoon.
Hume hummid hai apko humara blog pasand aaya hoga aisi hi tech automobiles aur online earning se judi jankari ke liye humari site www.mobilerider.in par visit karna na bhule. Thank You 😊